Jahresbericht 2019 - ESV BLS

+++ Das ESV Chalet auf dem Jaunpass hat in der Sommersaison noch Platz +++ Thomas Hirschi und Martin Baumgartner gewinnen die Jassmeisterschaft 2020 +++ ESV News 2020 online +++

Direkt zum Seiteninhalt

Hauptmenü

Jahresbericht 2019

Turnen

Jahresbricht Turnä/Liechtathletik/Volleyball 2019

Wie gäng träffe mir üs am Donnschtig Abe zum Spiele ir Nöiimattturnhauä in Burgdorf. Zum Ufwärme gits meischtens 3 Sätz Volleyball u nähr de je nach Wunsch u Azau Teilnähmer Bänklischutte, Unihockey, Badminton oder Basketbau. Bim zwöite Teu im Bärnerhof chunnt  o z’Gsellige bim schnurre u lache nid z‘churz. Mir fröie üs, we sech nöii Lüüt üsem Grüppli aschliesse.
Leider hei mir letschts Jahr vo üsem langjährige Turnerkolleg, em Ädu Bernhard, müesse Abschied näh. Är isch ändi Jahr nach langer Chrankheit viu z’früeh gstorbe. Mir wärde dr Ädu mit sire luschtige Art vermissä.

Im Sommer hei mir einisch d’Turnhalle verlah u si uf Affoltere gah Hornusse. Unger dr Leitig vom Fritz Herrmann hei mir mau so richtig dörfe ufzieh u dä Nouss müglechscht wiit schlah. (ömu ir Theorie gings so… )
Nam Hornusse hei mir de bim aschliessende Brätle no über d’Technik gfachsimplet. Villech nützt ja öppis für nächschts Jahr…

Im Liechtathletik het im Septämber äuä zum letschte Mau d’USIC Meischterschaft in Tschechie stattgfunge. Dr SVSE isch mit nume 5 Teilnähmer agreist u het am Schluss 3 Podestplätz gha. Dr ESV BLS isch düre Urs Schönholzer verträte gsi.

Im Volleyball hei mir im Früehlig mit zwone Mannschafte ar SVSE Schwiizermeischterschaft teilgnoh. Nach langem hin- und här hei mir ir Kategorie B chönne starte. Mir hei äs paar sehr schöni Bauwächsu gah, aber am Schluss het füre Satzgwinn meischtens ä chli Glück gfäut. Mir hei üs de am Schluss vor Ranglischte igreit. Äs het trotzdäm gfägt.

Äs GROSSES Merci a aune wo irgend ire Form öppis a dene viele sportleche Momänte vom 2019 bitreit hei.

Obfrou Turnä
Marlise Zysset

 
Zurück zum Seiteninhalt | Zurück zum Hauptmenü